ഇന്നത്തെ കറന്റ് അഫയേഴ്സ് 27 നവംബർ 2025 (Kerala PSC Current Affairs 27 November 2025)
ഇന്നലത്തെ (26 നവംബര് 2025) പഠിക്കാന് ഇവിടെ ക്ലിക്ക് ചെയ്യുക
1. 2030-ലെ കോമണ്വെല്ത്ത് ഗെയിംസ് വേദിയായി തിരഞ്ഞെടുക്കപ്പെട്ട ഇന്ത്യന് നഗരം ഏതാണ്?
അഹമ്മദാബാദ്
സ്രോതസ്സ്: മലയാള മനോരമ
- 2030-ല് കോമണ്വെല്ത്ത് ഗെയിംസിന് 100 വയസ്സാം.
- കോമണ്വെല്ത്തില് 74 രാജ്യങ്ങള് അംഗങ്ങളായിട്ടുണ്ട്.
- പഴയ ബ്രിട്ടീഷ് സാമ്രാജ്യത്തിന് കീഴിലുണ്ടായിരുന്ന രാജ്യങ്ങളാണ് കോമണ്വെല്ത്തില് അംഗങ്ങള് ആയിട്ടുള്ളത്.
- ഇന്ത്യന് ഒളിമ്പിക് അസോസിയേഷന് പ്രസിഡന്റ്: പി ടി ഉഷ
- 2026-ലെ കോമണ്വെല്ത്ത് ഗെയിംസ് വേദി: സ്കോട്ലന്ഡ്
- ഇന്ത്യയില് ആദ്യമായി കോമണ്വെല്ത്ത് ഗെയിംസ് നടന്നത് 2010-ല് ഡല്ഹിയിലാണ്.
2. യുക്രെയ്ന് പ്രസിഡന്റ് ആരാണ്?
വൊളോഡിമര് സെലെന്സ്കി
3. ഇന്ത്യയുടെ സുപ്രീംകോടതി ചീഫ് ജസ്റ്റിസ് ആരാണ്?
ജസ്റ്റിസ് സൂര്യകാന്ത്
4. ബംഗാള് ഉള്ക്കടലില് 2025 നവംബര് അവസാന വാരം രൂപപ്പെട്ട ചുഴലിക്കാറ്റ് ഏതാണ്?
സെന്യാര്
5. 16 വയസ്സിന് താഴെയുള്ള കുട്ടികള് സമൂഹമാധ്യമ വിലക്ക് ആരംഭിക്കുന്നതിനെ വിലക്കുന്ന നിയമം 2025 ഡിസംബര് 10-ന് നിലവില് വരുന്ന രാജ്യം ഏതാണ്?
ഓസ്ട്രേലിയ
6. ഇന്റര്നാഷണല് ഇന്സ്റ്റിറ്റ്യൂട്ട് ഫോര് ഡമോക്രസി ആന്ഡ് ഇലക്ടറല് അസിസ്റ്റന്സിന്റെ (ഐഐഡിയ) അധ്യക്ഷനായി തിരഞ്ഞെടുക്കപ്പെട്ട ഇന്ത്യക്കാരന് ആരാണ്?
ഗ്യാനേഷ് കുമാര്
സ്രോതസ്സ്: മലയാള മനോരമ
- ഇന്ത്യയുടെ മുഖ്യ തിരഞ്ഞെടുപ്പ് കമ്മീഷണര് ആണ് ഗ്യാനേഷ് കുമാര്.
- ഐഐഡിയയുടെ ആസ്ഥാനം- സ്വീഡനിലെ സ്റ്റോക്ക്ഹോം
- 1995-ല് പ്രവര്ത്തനം ആരംഭിച്ചു.
- ജനാധിപത്യ സ്ഥാപനങ്ങളേയും തിരഞ്ഞെടുപ്പ് പ്രക്രിയയേയും ശക്തിപ്പെടുത്തുന്നതിനായി പ്രവര്ത്തിക്കുന്ന രാജ്യാന്തര സംഘടനയാണ് ഐഐഡിയ.
- ഇന്ത്യ ഐഐഡിയയില് സ്ഥാപക അംഗമാണ്.
- അംഗരാജ്യങ്ങളുടെ എണ്ണം: 35
7. ഇന്ത്യ ടെസ്റ്റ് ക്രിക്കറ്റില് റണ്സിന്റെ അടിസ്ഥാനത്തില് ഏറ്റവും വലിയ തോല്വി വഴങ്ങിയത് ഏത് രാജ്യത്തോടാണ്?
ദക്ഷിണാഫ്രിക്ക
സ്രോതസ്സ്: മലയാള മനോരമ
- ദക്ഷിണാഫ്രിക്കയ്ക്ക് എതിരായ രണ്ടാം ക്രിക്കറ്റ് ടെസ്റ്റില് ഇന്ത്യ 408 റണ്സിന് പരാജയപ്പെട്ടു.
- സ്കോര്: ദക്ഷിണാഫ്രിക്ക- 489, 5-ന് 260 ഡിക്ലയേഡ്. ഇന്ത്യ- 201, 140
- രണ്ട് ടെസ്റ്റുകളുള്ള പരമ്പരയില് രണ്ട് മത്സരങ്ങളും ദക്ഷിണാഫ്രിക്ക വിജയിച്ചു.
- 25 വര്ഷത്തിനിടെ ആദ്യമായിട്ടാണ് ദക്ഷിണാഫ്രിക്ക ഇന്ത്യയില് ടെസ്റ്റ് പരമ്പര വിജയിക്കുന്നത്.
8. ഗോവയില് നടന്ന ലോകകപ്പ് ചെസ് ജേതാവ് ആരാണ്?
ജാവോഖിര് സിന്ദറോവ്
സ്രോതസ്സ്: മലയാള മനോരമ
- ചെസ് ലോകകപ്പ് ജേതാവാകുന്ന ഏറ്റവും പ്രായം കുറഞ്ഞ ഗ്രാന്ഡ്മാസ്റ്റര് ആണ് 19 വയസ്സുള്ള ജാവോഖിര് സിന്ദറോവ്.
- ഫൈനലില് ചൈനീസ് ഗ്രാന്ഡ്മാസ്റ്ററായ വെയ് യീയെ ടൈബ്രേക്കറില് ഉസ്ബെക്കിസ്ഥാന്റെ താരമായ ജാവോഖിര് സിന്ദറോവ് പരാജയപ്പെടുത്തി.
9. സയ്യിദ് മുഷ്താഖ് അലി ട്വന്റി20 ക്രിക്കറ്റ് ടൂര്ണമെന്റിന്റെ ചരിത്രത്തിലെ ഏറ്റവും ഉയര്ന്ന ഓപ്പണിങ് കൂട്ടുകെട്ട് എന്ന റെക്കോര്ഡ് കരസ്ഥമാക്കിയ കേരള ക്രിക്കറ്റ് ടീം താരങ്ങള് ആരെല്ലാം?
സഞ്ജു സാംസണും രോഹന് കുന്നുമ്മലും
സ്രോതസ്സ്: മലയാള മനോരമ
- സ്കോര്: ഒഡീഷ 7-ന് 176. കേരളം 16.3 ഓവറില് വിക്കറ്റ് നഷ്ടപ്പെടാതെ 177.
- രോഹന് 60 പന്തില്നിന്നും 121 റണ്സും സഞ്ജു 41 പന്തില്നിന്നും 51 റണ്സും എടുത്ത് 177 റണ്സിന്റെ കൂട്ടുകെട്ട് പടുത്തുയര്ത്തി.
- കേരളത്തിനുവേണ്ടി ട്വന്റി20യില് ഏറ്റവും കൂടുതല് റണ്സ് നേടുന്ന താരം: സഞ്ജു സാംസണ് (1882 റണ്സ്)
10. 2025-ലെ യുഎന് നഗരവല്ക്കരണ റിപ്പോര്ട്ട് അനുസരിച്ച് ലോകജനസംഖ്യയുടെ എത്ര ശതമാനമാണ് നഗരങ്ങളില് വസിക്കുന്നത്?
45 ശതമാനം
സ്രോതസ്സ്: ദേശാഭിമാനി
- ഇന്ത്യയില് 58 കോടി പേര് നഗരവാസികളാണ്.
- ലോകത്തിലെ ഏറ്റവും കൂടുതല് ജനസംഖ്യയുള്ള നഗരം: ജക്കാര്ത്ത, ഇന്തോനേഷ്യ
- ജക്കാര്ത്തയില് 4.19 കോടി പേര് വസിക്കുന്നു.
- രണ്ടാം സ്ഥാനം ബംഗ്ലാദേശിന്റെ തലസ്ഥാനമായ ധാക്കയിലാണ്. 3.66 കോടി പേര് ധാക്കയില് വസിക്കുന്നു.
- ടോക്യോ മൂന്നാമതും ന്യൂഡല്ഹി നാലാമതും കൊല്ക്കത്ത എട്ടാമതും ആണ്.
- ന്യൂഡല്ഹിയില് 3.2 കോടി പേര് വസിക്കുന്നു.
- ഒരു കോടിയില് അധികം നഗരവാസികളുള്ള വന്നഗരങ്ങളുടെ എണ്ണം: 33
- ഒരു കോടിക്ക് മേല് ജനസംഖ്യയുള്ള അഞ്ച് നഗരങ്ങള് ഇന്ത്യയിലുണ്ട്.
- ലോകത്ത് ഏറ്റവും കൂടുതല് ജനസാന്ദ്രതയുള്ള ആദ്യ 10 നഗരങ്ങളില് മുംബൈ, സൂറത്ത്, അഹമ്മദാബാദ്, ബംഗളുരു എന്നിവ ഉള്പ്പെടുന്നു.
11. ഏഷ്യാ പസഫിക് കൃഷി- പരിസ്ഥിതി കമ്മിറ്റി (ഐസിഎഇ) വൈസ് ചെയര്പേഴ്സണായ ആദ്യ മലയാളി ആരാണ്?
ടി കെ കിഷോര് കുമാര്
12. ചൊവ്വ ഗ്രഹത്തിലെ ഗര്ത്തങ്ങള്ക്കും മറ്റും പേരുകള് നല്കിയ മലയാളികള് ആരെല്ലാം?
ഡോ ആസിഫ് ഇഖ്ബാല് കാക്കശേരി, പ്രൊഫ വി ജെ രാജേഷ്
സ്രോതസ്സ്: ദേശാഭിമാനി
- കൃഷ്ണന്, ബേക്കല്, വലിയമല, തുമ്പ, വര്ക്കല, പെരിയാര്വാലി എന്നീ പേരുകളാണ് ചൊവ്വയിലെ ഗര്ത്തങ്ങള്ക്കും ചാലിനും ആസിഫും രാജേഷും നിര്ദ്ദേശിച്ചത്.
- ആസിഫിന്റേയും രാജേഷിന്റേയും നിര്ദ്ദേശം അന്താരാഷ്ട്ര ജ്യോതിശാസ്ത്ര യൂണിയന് (ഐഎയു) അംഗീകരിച്ചു.
- ഐഎയു ആസ്ഥാനം- പാരീസ്
- ചൊവ്വയില് 50 കിലോമീറ്ററില് അധികം വലിപ്പമുള്ള ഒരു ഗര്ത്തത്തിന് ജിയോളജിക്കല് സര്വേ ഓഫ് ഇന്ത്യയുടെ പ്രഥമ ഡയറക്ടര് എം എസ് കൃഷ്ണന്റെ പേര് നല്കി.
- കൃഷ്ണന് ഗര്ത്തത്തിനോട് ചേര്ന്ന് കിടക്കുന്ന ചെറിയ ഗര്ത്തങ്ങള്ക്ക് വലിയമല, തുമ്പ, വര്ക്കല, ബേക്കല് എന്നീ പേരുകള് നല്കി.
- കൃഷ്ണന് ഗര്ത്തത്തിന് അകത്തുള്ള സമതലത്തിലന് കൃഷ്ണന് പാലസ് എന്ന് പേര് നല്കി.
- ഈ സമതലത്തിലെ വറ്റിയ ചാലിന് പെരിയാര് എന്നും പേരിട്ടു.