2026 ജനുവരി
1. നവാഗത സംവിധായകര്‍ക്കായി സംവിധായകന്‍ ഷാഫി സ്മാരക ട്രസ്റ്റ് ഏര്‍പ്പെടുത്തിയ ഷാഫി മെമ്മോറിയല്‍ പുരസ്‌കാരം നേടിയത് ആരാണ്?
കളങ്കാവല്‍ സിനിമയുടെ സംവിധായകന്‍ ജിതിന്‍ കെ ജോസ്‌
2. സുഭാഷ് ചന്ദ്രബോസ് ആപ്ത പ്രബന്ധന്‍ പുരസ്‌കാരം നേടിയത് ആരാണ്?
ലഫ്റ്റനന്റ് കേണല്‍ സീത അശോക് ഷെല്‍ക്കെ
3. ചെന്നൈ ആശാന്‍ സ്മാരക അസോസിയേഷന്റെ ആശാന്‍ സ്മാരക കവിതാ പുരസ്‌കാരം ലഭിച്ചത് ആര്‍ക്കാണ്?
കെ വി രാമകൃഷ്ണന്‍
4. 2026-ലെ പത്മവിഭൂഷണ്‍ പുരസ്‌കാരങ്ങള്‍ നേടിയ മലയാളികള്‍ ആരെല്ലാം?
മുന്‍മുഖ്യമന്ത്രി വി എസ് അച്യുതാനന്ദന്‍, സുപ്രീംകോടതി മുന്‍ ജസ്റ്റിസ് കെ ടി തോമസ്, വയലിനിസ്റ്റ് എന്‍ രാജം, ജന്മഭൂമി പത്രത്തിന്റെ സഹസ്ഥാപകനും മുഖ്യപത്രാധിപരുമായ പി നാരായണന്‍
- 2026-ലെ പത്മവിഭൂഷണ്‍ ജേതാക്കളായ 5 പേരില്‍ 4 പേരും മലയാളികള്‍.
- പാടുന്ന വയലിന്‍ എന്നാണ് എന്‍ രാജം അറിയപ്പെടുന്നത്.
- നടന്‍ ധര്‍മേന്ദ്രയാണ് 2026-ലെ പത്മവിഭൂഷണ്‍ നേടിയ അഞ്ചാമത്തെ വ്യക്തി.
- വിഎസിനും ധര്‍മേന്ദ്രയ്ക്കും മരണാനന്തര ബഹുമതിയായിട്ടാണ് പത്മവിഭൂഷണ്‍ ലഭിച്ചത്.
5. 2026-ലെ പത്മഭൂഷണ്‍ ലഭിച്ച മലയാളികള്‍ ആരെല്ലാം?
നടന്‍ മമ്മൂട്ടി, എസ് എന്‍ ഡി പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍
- മഹാരാഷ്ട്ര മുന്‍ ഗവര്‍ണറും ഉത്തരാഖണ്ഡ് മുന്‍ മുഖ്യമന്ത്രിയുമായ ഭഗത് സിങ് കോഷിയാരി, ജാര്‍ഖണ്ഡ് മുന്‍ മുഖ്യമന്ത്രി ഷിബു സോറന്‍, ഡല്‍ഹിയിലെ മുതിര്‍ന്ന ബിജെപി നേതാവ് വി കെ മല്‍ഹോത്ര, കോട്ടക് മഹീന്ദ്ര ബാങ്ക് സ്ഥാപകന്‍ ഉദയ് കോട്ടക്, ഗായിക അല്‍ക യാഗ്നിക്, പരസ്യരംഗത്തെ പ്രമുഖനായിരുന്ന പിയുഷ് പാണ്ഡെ എന്നിവര്‍ അടക്കം ആകെ 18 പേര്‍ക്ക് പത്മഭൂഷണ്‍ ലഭിച്ചു.
- മരണാനന്തര ബഹുമതിയായ പത്മഭൂഷണ്‍ പുരസ്‌കാരം-2026 നേടിയവര്‍: ഷിബു സോറന്‍, വി കെ മല്‍ഹോത്ര, പിയുഷ് പാണ്ഡേ
6. 2026-ല്‍ പത്മശ്രീ പുരസ്‌കാരം എത്ര പേര്‍ക്ക് ലഭിച്ചു?
131
- 2026-ല്‍ പത്മശ്രീ ലഭിച്ച മലയാളികള്‍: പരിസ്ഥിതി പ്രവര്‍ത്തക കൊല്ലകല്‍ ദേവകിയമ്മ, നര്‍ത്തിക കലാമണ്ഡലം വിമല മേനോന്‍
- തമിഴ്‌നാട്ടിലെ നാഗര്‍കോവില്‍ സ്വദേശിയും തിരുവനന്തപുരത്ത് സ്ഥിര താമസക്കാരനുമായ ബഹിരാകാശ ശാസ്ത്രജ്ഞന്‍ എ ഇ മുത്തുനായകത്തിനും പത്മശ്രീ ലഭിച്ചു.
- 2026-ല്‍ പത്മശ്രീ ലഭിച്ച ക്രിക്കറ്റ് താരങ്ങള്‍: രോഹിത് ശര്‍മ, ഹര്‍മന്‍പ്രീത് കൗര്‍
- 2026-ല്‍ പത്മശ്രീ ലഭിച്ച ഹോക്കി താരം: സവിത പൂനിയ
- 2026-ല്‍ പത്മശ്രീ ലഭിച്ച മുതിര്‍ന്ന ടെന്നീസ് താരം: വിജയ് അമൃത് രാജ്
- 2026-ല്‍ പത്മശ്രീ ലഭിച്ച പാരാലിംപിക്‌സ് സ്വര്‍ണ മെഡല്‍ ജേതാവ്: പ്രവീണ്‍ കുമാര്‍
- 2026-ല്‍ പത്മശ്രീ ലഭിച്ച കര്‍ണാടക സംഗീതജ്ഞര്‍: ഗായത്രി ബാലസുബ്രഹ്മണ്യം, രഞ്ജിനി ബാലസുബ്രഹ്മണ്യം
- 2026-ല്‍ പത്മശ്രീ ലഭിച്ച മുന്‍ ആഭ്യന്തര അണ്ടര്‍ സെക്രട്ടറി: ആര് വി എസ് മണി
- 2026-ല്‍ മരണാനന്തരം പത്മശ്രീ പുരസ്‌കാരം നേടിയ ഗുസ്തി പരിശീലകന്‍: വ്‌ളാഡിമര്‍ മെസ്റ്റ്വിര്‍ഷി (ജോര്‍ജിയ)
7. സമാധാനകാലത്തെ പരമോന്നത സൈനിക ബഹുമതിയായ അശോക ചക്ര 2026-ല്‍ നേടിയത് ആരാണ്?
ഗ്രൂപ്പ് ക്യാപ്റ്റന്‍ ശുഭാംശു ശുക്ല
- രാജ്യാന്തര ബഹിരാകാശ നിലയത്തിലെ ആദ്യ ഇന്ത്യന്‍ ബഹിരാകാശ സഞ്ചാരിയാണ് വ്യോമസേന ഗ്രൂപ്പ് ക്യാപ്റ്റനായ ശുഭാംശു ശുക്ല
- ഇന്ത്യയുടെ ഗഗന്‍യാന്‍ യാത്ര സംഘത്തിലെ നാലുപേരില്‍ ഒരാളായ മലയാളി വ്യോമസേന ഗ്രൂപ്പ് ക്യാപ്റ്റന്‍ പ്രശാന്ത് ബാലകൃഷ്ണന്‍ നായര്‍ക്ക് കീര്‍ത്തിചക്ര ലഭിച്ചു.
- പായ് വഞ്ചിയില്‍ ലോകസഞ്ചാരം നടത്തിയ കോഴിക്കോട് സ്വദേശിനി ലഫ്റ്റനന്റ് കമാന്‍ഡര്‍ കെ ദില്‍നയ്ക്കും പുതുച്ചേരി സ്വദേശിനി ലഫ്റ്റനന്റ് കമാന്‍ഡര്‍ എ രൂപ എന്നിവര്‍ക്ക് ശൗര്യചക്ര ലഭിച്ചു.
8. ധീരതയ്ക്കുള്ള 2026-ലെ ഉത്തരം ജീവന്‍ രക്ഷാ പദക് പുരസ്‌കാരം ലഭിച്ച മലയാളി ആരാണ്?
സി മുഹമ്മദ് ഷമീല്‍
- ജീവന്‍ രക്ഷാ പദക് ബഹുമതി നേടിയവര്‍: മാസ്റ്റര്‍ ഹര്‍ഷിക് മോഹന്‍, ടി ജെ ജയേഷ്, കെ പി ആകാശ്, കെ വൈശാഖ്, സി റുതനന്ദ്, സി യദുനന്ദ്‌
9. സാഹിത്യകാരന്‍ മലയാറ്റൂര്‍ രാമകൃഷ്ണന്റെ സ്മരണാര്‍ഥം രൂപവല്‍ക്കരിച്ച മലയാറ്റൂര്‍ ഫൗണ്ടേഷന്റെ പ്രഥമ സമഗ്ര സംഭാവനയ്ക്കുള്ള പുരസ്‌കാരം നേടിയത് ആരാണ്?
അരുന്ധതി റോയി
10. 2025-ലെ എഴുത്തച്ഛന്‍ പുരസ്‌കാരം നേടിയത് ആരാണ്?
കവി കെ ജി ശങ്കരപിള്ള
11. ബ്രിട്ടീഷ് അക്കാദമി ഓഫ് ഫിലിം ആന്‍ഡ് ടെലിവിഷന്‍ ആര്‍ട്‌സ് (ബാഫ്റ്റ) അവാര്‍ഡ് 2026-ല്‍ 14 നോമിനേഷനുകള്‍ നേടിയ സിനിമ ഏതാണ്?
വണ്‍ ബാറ്റില്‍ ആഫ്റ്റര്‍ അനദര്‍
- ഓസ്‌കാറില്‍ 16 നോമിനേഷനുകള്‍ നേടി റെക്കോര്‍ഡ് കുറിച്ച സിന്നിര്‍ ബാഫ്റ്റയില്‍ 13 നോമിനേഷനുകള്‍ നേടി.
- മണിപ്പൂരിന്റെ പശ്ചാത്തലത്തില്‍ ലക്ഷ്മിപ്രിയ ദേവി സംവിധാനം ചെയ്ത ബൂങ് എന്ന ഇന്ത്യന്‍ സിനിമ കുട്ടികളുടെ വിഭാഗത്തില്‍ ബാഫ്റ്റ നോമിനേഷന്‍ നേടി.
12. കേരള ശാസ്ത്ര പുരസ്‌കാരം നേടിയത് ആരാണ്?
ഡോ ടെസി തോമസ്
13. തമിഴ്‌നാട് കിഡ്‌നി റിസര്‍ച്ച് (ടാങ്കര്‍) ഫൗണ്ടേഷന്റെ റെന്നി എബ്രഹാം ലവ് ഫോര്‍ സര്‍വീസ് പുരസ്‌കാരം നേടിയ മലയാളി ആരാണ്?
ഡോ അജിത് മുല്ലശ്ശേരി
14. ഫെഡറല്‍ ബാങ്ക് സാഹിത്യ പുരസ്‌കാരം 2026 നേടിയത് ആരാണ്?
കെ ശ്രീകുമാര്‍
- എം ടി വാസുദേവന്‍ നായര്‍ എന്ന ജീവചരിത്ര കൃതിയാണ് പുരസ്‌കാരത്തിന് അര്‍ഹമായത്.
15. സാഹിത്യരംഗത്തെ സമഗ്ര സംഭാവനയ്ക്ക് വയലാര്‍ രാമവര്‍മ സാംസ്‌കാരികവേദി നല്‍കുന്ന വയലാര്‍ സാഹിത്യ പുരസ്‌കാരം 2026 ലഭിച്ചത് ആര്‍ക്കാണ്?
കവി ഏഴാച്ചേരി രാമചന്ദ്രന്
- പുരസ്‌കാരത്തുക: 11,111 രൂപ
16. മഹാകവി ജി ശങ്കരക്കുറുപ്പ് ഏര്‍പ്പെടുത്തിയ ഗുരുവായൂരപ്പന്‍ ട്രസ്റ്റിന്റെ 2025-ലെ ഓടക്കുഴല്‍ പുരസ്‌കാരം നേടിയത്?
സാഹിത്യവിമര്‍ശകനായ ഇ പി രാജഗോപാലിന്റെ ഉള്‍ക്കഥ എന്ന ഗ്രന്ഥത്തിന്
- 30,000 രൂപയും ശില്‍പ്പവും പ്രശസ്തിപത്രവും ആണ് സമ്മാനം
2026 ഫെബ്രുവരി
1. കവി ഡി വിനയചന്ദ്രന്റെ സ്മരണയ്ക്കായി പടിഞ്ഞാറേ കല്ലട നവോദയ ഗ്രന്ഥശാല ഏര്‍പ്പെടുത്തിയ ഡി വിനയചന്ദ്രന്‍ സ്മാരക സാഹിത്യപുരസ്‌കാരം ലഭിച്ച കൃതി ഏതാണ്?
ആനോ
- ജി ആര് ഇന്ദുഗോപനാണ് ആനോയുടെ കര്‍ത്താവ്.
2. പി കെ കാളന്‍ പുരസ്‌കാരം നേടിയത് ആരാണ്?
അതിയടം കുഞ്ഞിരാമ പെരുവണ്ണാന്‍, തെയ്യം കലാകാരന്‍
3. മുന്‍ മുഖ്യമന്ത്രി കെ കരുണാകരന്‍ സ്മാരക ട്രസ്റ്റിന്റെ 2026-ലെ കെ കരുണാകരന്‍ സ്മാരക പുരസ്‌കാരം ലഭിച്ചത് ആര്‍ക്കാണ്?
തേറമ്പില്‍ രാമകൃഷ്ണന്‍
- മുന്‍ നിയമസഭ സ്പീക്കറും കോണ്‍ഗ്രസ് നേതാവുമാണ് തേറമ്പില്‍ രാമകൃഷ്ണന്‍.
4. കവി ഡി വിനയചന്ദ്രന്റെ സ്മരാര്‍ഥം സെന്റര്‍ ഫോര്‍ ആര്‍ട് ആന്‍ഡ് കള്‍ച്ചറല്‍ സ്റ്റഡീസ് ഏര്‍പ്പെടുത്തിയ വിനയചന്ദ്രിക കവിതാ പുരസ്‌കാരം നേടിയ കവിതാ സമാഹാരം ഏത്?
ഇടതുകഴുവിലെ കള്ളന്‍
- രചയിതാവ്: കെ ഡി ഷൈബു
5. ഗൂരുവായൂര്‍ ദേവസ്വത്തിന്റെ 2026-ലെ ജ്ഞാനപ്പാന പുരസ്‌കാരം നേടിയത് ആരാണ്?
വൈക്കം രാമചന്ദ്രന്
6. എസ് കെ പൊറ്റക്കാട്ട് സ്മാരക സമിതിയുടെ നോവല്‍, ചെറുകഥാ രംഗത്തെ സംഭാവനകള്‍ക്കുള്ള സാഹിത്യ പുരസ്‌കാരം നേടിയത് ആരാണ്?
അര്‍ഷാദ് ബത്തേരി
7. കേരള സംഗീത നാടക അക്കാദമിയുടെ 2025-ലെ ഫെല്ലോഷിപ്പുകള്‍ നേടിയത് ആരെല്ലാം?
വേണുജി (കൂടിയാട്ടം), കൈതപ്രം ദാമോദരന്‍ നമ്പൂതിരി (സംഗീത സംവിധായകന്‍), ജയപ്രകാശ് കുളൂര്‍ (നാടകകൃത്തും സംവിധായകനും നടനും)
- 18 പേര്‍ക്ക് അക്കാദമി അവാര്‍ഡും 22 പേര്‍ക്ക് ഗുരുപൂജ പുരസ്‌കാരവും ലഭിച്ചു.
- അമച്വര്‍ നാടകരംഗത്തെ ശില്‍പിക്ക് ചിറയിന്‍കീഴ് ഡോ ജി ഗംഗാധരന്‍ നായരുടെ സ്മരാണര്‍ഥം പത്‌നി കെ കാഞ്ചന അക്കാദമിയുമായി സഹകരിച്ച് ഏര്‍പ്പെടുത്തിയ പുരസ്‌കാരം നേടിയത്: നിധീഷ് പൂക്കാട്
- കേരള സംഗീത നാടക അക്കാദമിയുടെ അവാര്‍ഡ്, ഗുരുപൂജ പുരസ്‌കാരം നേടിയവരുടെ പേരുകള്‍ വിശദമായി വായിക്കാന്‍ ഇവിടെ ക്ലിക്ക് ചെയ്യുക.
8. സംസ്ഥാന റവന്യൂ അവാര്‍ഡുകളില്‍ ഏറ്റവും മികച്ച കളക്ടറായി തിരഞ്ഞെടുക്കപ്പെട്ടത് ആരാണ്?
അര്‍ജുന്‍ പാണ്ഡ്യന്‍ (തൃശൂര്‍)
- മികച്ച കളക്ട്രേറ്റ്: തിരുവനന്തപുരം
9. ശ്രീനാരായണ രാജ്യാന്തര പഠന തീര്‍ത്ഥാടന കേന്ദ്രം നല്‍കുന്ന ശ്രീനാരായണ രാജ്യാന്തര പുരസ്‌കാരം ലഭിച്ചത് ആര്‍ക്കാണ്?
എം ചന്ദ്രബാബു
- ശ്രീനാരായണ ഗുരു അപൂര്‍വതകളുടെ ഋഷി എന്ന പുസ്തകത്തിന്റെ രചയിതാവ് ആണ്.
6. സംസ്ഥാന യുവജനകമ്മീഷന്റെ 2025-26 വര്‍ഷത്തെ യുവപ്രതിഭ പുരസ്‌കാരങ്ങള്‍ നേടിയവര്‍ ആരെല്ലാം?
ജിലുമോള്‍ മരിയറ്റ് തോമസ്, ഡോ ശാരദാ ദേവി, അമല്‍ ഇക്ബാല്‍
2026 മാര്‍ച്ച്‌
1. സ്‌പോര്‍ട്‌സ് പുരസ്‌കാരമായ ലോറസ് അവാര്‍ഡിനുള്ള അന്തിമ പട്ടികയില്‍ ഇടംനേടിയ ഇന്ത്യന്‍ ടീമേത്?
- വനിത ഏകദിന ലോകകപ്പ് ജേതാക്കളായ ഇന്ത്യന്‍ ടീം
- മികച്ച രാജ്യാന്തര ടീം എന്ന വിഭാഗത്തിലാണ് നോമിനേഷന്‍.
- ഈ അവാര്‍ഡിന് നോമിനേഷന്‍ ലഭിക്കുന്ന ആദ്യ വനിത ക്രിക്കറ്റ് ടീമാണ് ഇന്ത്യയുടേത്.
2. 2025-ലെ മാതൃഭൂമി സാഹിത്യ പുരസ്‌കാരം ലഭിച്ചത് ആര്‍ക്കാണ്?
മേതില്‍ രാധാകൃഷ്ണന്‍
- മൂന്നുലക്ഷം രൂപയും പ്രശസ്തിപത്രവും ശില്‍പവും അടങ്ങുന്നതാണ് പുരസ്‌കാരം
3. ചിത്രകലയിലെ സംഭാവനകള്‍ക്കായി എക്‌സ്പ്രഷന്‍ ഏര്‍പ്പെടുത്തിയ രണ്ടാമത് അമൃത ഷെര്‍ഗില്‍ പുരസ്‌കാരം നേടിയത് ആര്?
മോബി സജീവ്‌
4. തകഴി സ്മാരക സമിതി ഏര്‍പ്പെടുത്തിയ തകഴി സാഹിത്യ പുരസ്‌കാരം നേടിയത് ആരാണ്?
സേതു
5. കുമാരനാശാന്‍ ദേശീയ സാംസ്‌കാരിക ഇന്‍സ്റ്റിറ്റ്യൂട്ടിന്റെ കുമാരനാശാന്‍ കവി പുരസ്‌കാരങ്ങള്‍ ലഭിച്ചത് ആര്‍ക്കെല്ലാം?
- കുമാരനാശാന്‍ ദേശീയ കവി പുരസ്‌കാരം: സീതാകാന്ത മഹാപാത്ര (5 ലക്ഷം രൂപ)
- കുമാരനാശാന്‍ മലയാളം കവി പുരസ്‌കാരം: സച്ചിദാനന്ദന്‍ (3 ലക്ഷം രൂപ)
6. ബിസിസിഐയുടെ 2025-ലെ ക്രിക്കറ്റ് ഓഫ് ദി ഇയര്‍ പുരസ്‌കാരം നേടിയത് ആരാണ്?
ശുഭ്മന്‍ ഗില്‍
- സി കെ നായിഡു ലൈഫ് ടൈം അച്ചീവ്‌മെന്റ് അവാര്‍ഡ് ലഭിച്ചത്: രാഹുല്‍ ദ്രാവിഡ്
7. കേരള ഫോക് ലോര്‍ അക്കാദമിയുടെ 2024-ലെ ഫെല്ലോഷിപ്പുകള്‍ നേടിയത് ആരെല്ലാം?
ഡോ എം പി കൃഷ്ണന്‍ പണിക്കര്‍ (തെയ്യം), കെ പി ചന്തുക്കുട്ടി നമ്പ്യാര്‍ (കോല്‍ക്കളി), കെ എം അനിരുദ്ധന്‍ (അര്‍ജുനനൃത്തം), ടി പി കുമാരന്‍ (മരക്കലപ്പാട്ട്), ഒ വി രത്‌നാകരന്‍ പണിക്കര്‍ (പൂരക്കളി, മറത്തുകളി), കുണ്ടത്തില്‍ ദാമോദരന്‍ (പൂരക്കളി), പുതുമന ഗോവിന്ദന്‍ നമ്പൂതിരി (തിടമ്പ് നൃത്തം), എ രാജമ്മ അയ്യപ്പന്‍ (പൂപ്പടതുള്ളല്‍), പി കുട്ടിക്കൃഷ്ണന്‍ (കണ്യാര്‍കളി), ആര് തുളസീധരന്‍ പിള്ള (കാക്കാരശ്ശി നാടകം) വി തത്ത (തുയിലുണത്തുര്‍പാട്ട്)
8. 2025-ലെ ജ്ഞാനപീഠ പുരസ്‌കാരം നേടിയത് ആരാണ്?
വൈരമുത്തു
- 11 ലക്ഷം രൂപയും പ്രശസ്തിപത്രവും ശില്‍പവും അടങ്ങിയതാണ് ജ്ഞാനപീഠം.
- തമിഴ് കവിയും ഗാനരചയിതാവും നോവലിസ്റ്റും ആണ് വൈരമുത്തു
- ഇന്ത്യയിലെ ഏറ്റവും വലിയ സാഹിത്യ പുരസ്‌കാരമാണ് ജ്ഞാനപീഠം
- ജ്ഞാനപീഠം നേടുന്ന മൂന്നാമത്തെ തമിഴ്‌നാട്ടുകാരനാണ് വൈരമുത്തു
- 1975-ല്‍ അഖിലനും 2022-ല്‍ ജയകാന്തനും ജ്ഞാനപീഠം ലഭിച്ചു.
9. ക്രിക്കറ്റിലെ സമഗ്രസംഭാവനയ്ക്ക് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബിസിസിഐ) നല്‍കുന്ന ആജീവനാന്ത പുരസ്‌കാരം നേടിയത് ആരെല്ലാം?
റോജര്‍ ബിന്നി, രാഹുല്‍ ദ്രാവിഡ്, മിതാലി രാജ്
- പുരുഷ വിഭാഗത്തിലെ ആജീവനാന്ത പുരസ്‌കാരം സി കെ നായിഡുവിന്റെ പേരിലാണ് നല്‍കുന്നത്.
- 2025-ലെ മികച്ച പ്രകടനത്തിനുള്ള പോളി ഉമ്രിഗര്‍ പുരസ്‌കാരം: ശുഭ്മന്‍ ഗില്ലിനും സ്മൃതി മന്ഥനയ്ക്കും
10. വിക്രംസാരാഭായ് സയന്‍സ് ഫൗണ്ടേഷന്‍ ഏര്‍പ്പെടുത്തിയ വിക്രം സാരാഭായ് വിജ്ഞാന്‍ പുരസ്‌കാരം നേടിയത് ആരാണ്?
രാകേഷ് ശര്‍മ
11. 2025-ലെ കേന്ദ്ര സാഹിത്യ അക്കാദമിയുടെ പുരസ്‌കാരം ലഭിച്ച മലയാള നോവല്‍ ഏതാണ്?
മായാമനുഷ്യര്‍ (കര്‍ത്താവ്: എന്‍ പ്രഭാകരന്‍)
- തിയൂര്‍ രേഖകള്‍, ബഹുവചനം, ജീവന്റെ തെളിവുകള്‍, ജനകഥ, മഹാനടനം, പുലിജന്മം എന്നിവ എന്‍ പ്രഭാകരന്റെ ശ്രദ്ധേയമായ കൃതികളാണ്.
12. കവിയും കോളെജ് അധ്യാപകനുമായിരുന്ന ചായം ധര്‍മരാജന്റെ സ്മരണയ്ക്കായി നെടുമങ്ങാട് ഗവണ്‍മെന്റ് മലയാള വിഭാഗം ഏര്‍പ്പെടുത്തിയ ചായം ധര്‍മരാജന്‍ കവിതാ പുരസ്‌കാരം ലഭിച്ചത് ആര്‍ക്കാണ്?
മീനേ മീന്‍ മണമേ (രചയിതാവ്: ആര് ആതിര)
13. 2026-ലെ ലോക ഭക്ഷ്യ പുരസ്‌കാരം ലഭിച്ചത് ആര്‍ക്കാണ്?
ലെലിഫെല്‍ഡ്
- ആധുനിക ഭക്ഷ്യസംസ്‌കരണ രീതികള്‍ വികസിപ്പിച്ച ശാസ്ത്രജ്ഞനാണ് ലെലിഫെല്‍ഡ്.
- രോഗമുണ്ടാക്കാത്ത സുരക്ഷിതമായ ആഹാരം എന്ന ആശയത്തിന്റെ വക്താവായിരുന്നു ഡച്ചുകാരനായ ലെലിഫെല്‍ഡ്.
2026 ഏപ്രില്‍
1. ശ്രീ സ്വാതിതിരുനാള്‍ സംഗീതസഭയുടെ 2026-ലെ ഗായക രത്‌നം പുരസ്‌കാരം ലഭിച്ചത് ആര്‍ക്കാണ്?
രുക്മിണി ഗോപാലകൃഷ്ണന്‍
2. കവി രശ്മിസദനം രാമകൃഷ്ണന്റെ സ്മരണാര്‍ത്ഥം കേരള സാഹിത്യസംഗമവേദി നല്‍കുന്ന കവിതാ പുരസ്‌കാരം ലഭിച്ച കവിതാ സമാഹരം ഏത്?
എന്നെ നിന്റെ മണമാണ്
- രചയിതാവ്: സി എസ് രാജേഷ്‌
3. ഭാരതീയ ഭാഷാ പരിഷത്തിന്റെ യുവ പുരസ്‌കാരം നേടിയ മലയാള എഴുത്തുകാരി ആരാണ്?
ജിന്‍ഷ ഗംഗ
4. ഗിരീഷ് കാര്‍ണാട് തിയറ്റര്‍ സ്മാരക വേദിയുടെ അഞ്ചാമത് സാഹിത്യപുരസ്‌കാരം നേടിയ നാടക സമാഹാരം ഏത്?
ലമാ സബക് താനി (രചയിതാവ്: ജിഷ)
5. ഗ്രീന്‍ നൊബേല്‍ എന്നറിയപ്പെടുന്ന ഗോള്‍ഡ്മാന്‍ പുരസ്‌കാരം നേടിയ വനിതകള്‍ ആരെല്ലാം?
ഇറോറോ തന്‍ഷി (നൈജീരിയ), ബോറിം കിം (ദക്ഷിണ കൊറിയ), സാറാ ഫിഞ്ച് (യുകെ), തിയോനില റോക്ക മാറ്റ്‌ബോബ് (പാപുവ ന്യൂ ഗിനിയ), അലന്ന അകാക് ഹര്‍ലി (യുഎസ്), യുവേലിസ് മൊറേല്‍സ് ബ്ലാങ്കോ (കൊളംബിയ)
- എല്ലാ വര്‍ഷവും ലോകത്തിലെ ആറ് പ്രാഥമിക മേഖലകളിലെ പ്രവര്‍ത്തനങ്ങള്‍ക്കാണ് പുരസ്‌കാരങ്ങള്‍ നല്‍കുന്നത്.
6. ഇന്ത്യന്‍ റൈറ്റേഴ്‌സ് ഫോറം നല്‍കുന്ന ഒ വി വിജയന്‍ സമഗ്രസംഭാവന പുരസ്‌കാരം നേടിയത് ആരാണ്?
ബാബു കുഴിമറ്റം
7. 2026-ലെ പത്മപ്രഭ പുരസ്‌കാരം നേടിയത് ആരാണ്?
ആര് രാജശ്രീ
8. ഫിസിക്‌സ് ഓസ്‌കര്‍ എന്നറിയപ്പെടുന്ന ന്യൂ ഹൊറൈസന്‍സ് ഇന്‍ ഫിസിക്‌സ് പുരസ്‌കാരം നേടിയ മലയാളി ആരാണ്?
ഡോ മാത്യു സിറിയക്
- പ്രപഞ്ചോല്‍പത്തി, ഘടന തുടങ്ങിയവയുമായി ബന്ധപ്പെട്ട ഗവേഷണങ്ങള്‍ക്ക് നല്‍കുന്ന രാജ്യാന്തര പുരസ്‌കാരമാണ് ന്യൂ ഹൊറൈസന്‍സ് ഇന്‍ ഫിസിക്‌സ്.
- പുരസ്‌കാര തുക: ഒരു ലക്ഷം ഡോളര്‍
- 2026-ലെ 11 വിജയികളിലെ ഏക ഇന്ത്യക്കാരനാണ് ഡോ മാത്യു സിറിയക്.
- ഡോ മാത്യു സിറിയക് പ്രപഞ്ചത്തിന്റെ ആദ്യകിരണങ്ങളായ കോസ്മിക് മൈക്രോവേവ് ബാക്ഗ്രൗണ്ട്, സൂപ്പര്‍നോവകള്‍ എന്നിവയെക്കുറിച്ച് ഗവേഷണം നടത്തുന്നു.
9. കേരള സംഗീത നാടക അക്കാദമിയുടെ 2025-ലെ സംസ്ഥാന പ്രൊഫഷണല്‍ നാടക പുരസ്‌കാരങ്ങളില്‍ ഏറ്റവും മികച്ച നാടകമായി തിരഞ്ഞെടുക്കപ്പെട്ടത് ഏത്?
വംശം
- മികച്ച നടന്‍: അനില്‍ ചെങ്ങന്നൂര്‍
- മികച്ച നടി: കലാമണ്ഡലം സന്ധ്യ രാമചന്ദ്രന്
10. കായിക്കര ആശാന്‍ സ്മാരകം നല്‍കുന്ന കെ സുധാകരന്‍ സ്മാരക ആശാന്‍ യുവകവി പുരസ്‌കാരം ലഭിച്ച കവിതാ സമാഹാരം ഏത്?
മീനേ മീന്‍ മണമേ (രചയിതാവ്: ആര് ആതിര)
2026 മെയ്‌
1. മികച്ച ഇംഗ്ലീഷ് പരിഭാഷയ്ക്കുള്ള വി അബ്ദുല്ല പുരസ്‌കാരം ലഭിച്ചത് ആര്‍ക്കാണ്?
എസ് മിനിസ്തി
- ബെന്യാമിന്റെ ‘പ്രവാചകന്മാരുടെ രണ്ടാം പുസ്തകം’ മിസ്തി ഇംഗ്ലീഷിലേക്ക് ‘ദ് സെക്കന്‍ഡ് ബുക്ക് ഓഫ് പ്രൊഫെറ്റ്‌സ്’ എന്ന പേരില്‍ വിവര്‍ത്തനം ചെയ്തതാണ് പുരസ്‌കാരത്തിന് അര്‍ഹമാക്കിയത്.
- തിരുവനന്തപുരം സ്വദേശിനിയായ മിനിസ്തി ഉത്തര്‍പ്രദേശ് കേഡറില്‍ ഐഎഎസ് ഉദ്യോഗസ്ഥയാണ്.
2. യൂസഫലി കേച്ചേരി മഹാപ്രതിഭാ പുരസ്‌കാരം ലഭിച്ചത് ആര്‍ക്കാണ്?
ശ്രീകുമാരന്‍ തമ്പി
3. ഒഎന്‍വി കള്‍ച്ചറല്‍ അക്കാദമി നല്‍കുന്ന ഒഎന്‍വി സാഹിത്യപുരസ്‌കാരം 2026-ല്‍ ലഭിച്ചത് ആര്‍ക്കാണ്?
എം മുകുന്ദന്‍
4. മികച്ച മാധ്യമപ്രവര്‍ത്തകര്‍ക്കുള്ള ബി ആര് പി എക്‌സലന്‍സ് പുരസ്‌കാരം 2026-ല്‍ ലഭിച്ചത് ആര്‍ക്കാണ്?
ധന്യ രാജേന്ദ്രന്‍
5. 2026-ല്‍ മുണ്ടൂര്‍ കൃഷ്ണന്‍കുട്ടി സ്മാരക പുരസ്‌കാരം നേടിയ കൃതിയേത്?
തുന്നല്‍ക്കാരന്‍
- രചയിതാവ്: ടി പി വേണുഗോപാല്‍
6. ഇന്ത്യന്‍ പീപ്പിള്‍സ് തിയേറ്റര്‍ അസോസിയേഷന്‍ (ഇപ്റ്റ) ഏര്‍പ്പെടുത്തിയ വി ടി ഭട്ടതിരിപ്പാട് സ്മാരക പുരസ്‌കാരം ലഭിച്ചത് ആരാണ്?
ടി എം അബ്രഹാം
7. മഹാകവി പി സ്മാരക ട്രസ്റ്റിന്റെ 2026-ലെ കവിതാ പുരസ്‌കാരം ലഭിച്ച കൃതിയേത്?
യക്ഷിയുടെ പരിണാമം, രചയിതാവ്: പി പി ശ്രീധരനുണ്ണി
- പി സ്മാരക കവിതാപഠന പുരസ്‌കാരം കാവ്യപ്രകൃതി: പി കവിതയിലെ ദേശസങ്കല്‍പ്പം എന്ന ഗ്രന്ഥത്തിന് ലഭിച്ചു. രചയിതാവ്: ഡോ പത്മനാഭന്‍ കാവുമ്പായി
8. ഭക്ഷ്യസുരക്ഷ, സുസ്ഥിര കൃഷി, ഗ്രാമവികസനം എന്നീ മേഖലകളിലെ സംഭാവനകള്‍ പരിഗണിച്ച് പ്രധാനമന്ത്രി നരേന്ദ്രമോദിക്ക് ഐക്യരാഷ്ട്ര സംഘടനയുടെ ഭക്ഷ്യ കാര്‍ഷിക സംഘടന (എഫ്എഒ) നല്‍കിയ പുരസ്‌കാരം ഏത്?
അഗ്രിക്കോള പുരസ്‌കാരം
- ഭക്ഷ്യ കാര്‍ഷിക സംഘടന ആസ്ഥാനം: റോം
- എഫ് എ ഒ ഡയറക്ടര്‍ ജനറല്‍: ഡോ ക്യു ഡോന്‍ഗ്യു
9. ഡോ സുകുമാര്‍ അഴീക്കോട് സ്മാരക ദേശീയ ട്രസ്റ്റ് പുരസ്‌കാരം നേടിയത് ആരാണ്?
ഡോ ജോര്‍ജ് ഓണക്കൂര്‍
10. 2025-ലെ യുഎന്‍ മിലിറ്ററി ജെന്‍ഡര്‍ അഡ്വക്കേറ്റ് ഓഫ് ദി ഇയര്‍ അവാര്‍ഡ് നേടിയ ഇന്ത്യന്‍ സൈനിക ഉദ്യോഗസ്ഥ ആരാണ്?
മേജര്‍ അഭിലാഷ ബറാക്ക്
ജൂണ്‍ 2026
1. പരിസ്ഥിതി സംരക്ഷണ രംഗത്തെ മികവിനുള്ള സംസ്ഥാന പരിസ്ഥിതി കാലാവസ്ഥ വ്യതിയാന ഡയറക്ടറേറ്റിന്റെ പരിസ്ഥിതി മിത്രം പുരസ്‌കാരങ്ങള്‍ നേടിയവര്‍ ആരെല്ലാം?
പി എം ജീജ ഭായ് (മികച്ച പരിസ്ഥിതി സംരക്ഷക), ഡോ പി ജെ സര്‍ലിന്‍ (പരിസ്ഥിതി സംരക്ഷ), ആര് സാംബന്‍ (പരിസ്ഥിതി മാധ്യമ പ്രവര്‍ത്തകന്‍), വെള്ളായണി കാര്‍ഷിക കോളെജ് (പരിസ്ഥിതി സംരക്ഷണ സ്ഥാപനം), തൃശൂര്‍ കോര്‍പറേഷന്‍ (തദ്ദേശഭരണ സ്ഥാപനം)
2. സംസ്ഥാന സര്‍ക്കാരിന്റെ മികച്ച പരിസ്ഥിതി പ്രവര്‍ത്തകനുള്ള വനമിത്ര പുരസ്‌കാരം നേടിയത് ആരാണ്?
ജി രാജമണി
- പരിസ്ഥിതി മിത്രം പുരസ്‌കാരം: വെള്ളായണി കാര്‍ഷിക കോളെജ്, തിരുവനന്തപുരം
3. വയലാര്‍ രാമവര്‍മ സാംസ്‌കാരിക വേദിയുടെ 2026-ലെ രാമവര്‍മ കര്‍ണാടക സംഗീതരത്‌ന പുരസ്‌കാരം നേടിയത് ആരാണ്?
പ്രൊഫസര്‍ വൈക്കം വേണുഗോപാല്‍, മൃദംഗ വിദ്വാന്‍
4. കേന്ദ്ര സംഗീത നാടക അക്കാദമിയുടെ 2024, 2025 വര്‍ഷങ്ങളിലെ പുരസ്‌കാരങ്ങള്‍ ലഭിച്ച മലയാളികളും മേഖലയും
2024 അക്കാദമദി പുരസ്‌കാര ജേതാക്കള്‍
- ശ്രീദേവി രാജന്‍ (മോഹിനിയാട്ടം)
- ശശിധരന്‍ നായര്‍ (സര്‍ഗാത്മക പരീക്ഷണങ്ങള്‍)
- കലാമണ്ഡലം ഉണ്ണികൃഷ്ണന്‍ (കഥകളി സംഗീതം)
2025-ലെ അക്കാദമി പുരസ്‌കാര ജേതാക്കള്‍
- തൃപ്പൂണിത്തുറ എന്‍ രാധാകൃഷ്ണന്‍ (ഘടം)
- കലാമണ്ഡലം കൃഷ്ണകുമാര്‍ (കഥകളി)
- ഗിരിജാ ചന്ദ്രന്‍ (മോഹിനിയാട്ടം)
- സമഗ്രസംഭാവന: ടി എസ് നന്ദകുമാര്‍ (മൃദംഗം)
2024-ലെ ഉസ്താദ് ബിസ്മില്ലാഖാന്‍ യുവപുരസ്‌കാര ജേതാക്കള്‍
- കോട്ടയ്ക്കല്‍ പ്രദീപ് (കഥകളി)
- ഗോപിക ജി നാഥ് (മോഹിനിയാട്ടം)
- കലാമണ്ഡലം രവികുമാര്‍ (മിഴാവ്)
- വിജേഷ് എന്‍ വി (മുടിയേറ്റ്)
2025-ലെ ഉസ്താദ് ബിസ്മില്ലാഖാന്‍ യുവപുരസ്‌കാരങ്ങള്‍
- ബി എസ് പ്രശാന്ത് (മൃദംഗം)
- കലാമണ്ഡലം നീരജ് (കഥകളി)
- അശ്വതി ശങ്കര്‍ലാല്‍ (മോഹിനിയാട്ടം)
- കലാമണ്ഡലം ഉണ്ണികൃഷ്ണന്‍ (മിഴാവ്)
- വിപിന്‍ വിശ്വനാഥ് (പാവകളി)
5. പി കേശവദേവ് ട്രസ്റ്റിന്റെ പി കേശവദേവ് സാഹിത്യ പുരസ്‌കാരം ലഭിച്ചത് ആര്‍ക്കാണ്?
സുഭാഷ് ചന്ദ്രന്‍
6. വയലാര്‍ രാമവര്‍മ സാംസ്‌കാരികവേദിയുടെ സംഗീതരത്‌ന പുരസ്‌കാരം നേടിയത് ആരാണ്?
പ്രൊഫസര്‍ വര്‍ക്കല സി എസ് ജയറാം
7. ഉണ്ണിക്കൃഷ്ണന്‍ പുതൂര്‍ സ്മാരക ട്രസ്റ്റ് ആന്‍ഡ് ഫൗണ്ടേഷന്റെ പുതൂര്‍ പുരസ്‌കാരം ലഭിച്ചത് ആര്‍ക്കാണ്?
കെ പി രാമനുണ്ണി
ജൂലൈ 2026
1. ജി ദേവരാജന്‍ മാസ്റ്റര്‍ സ്മാരക പരവൂര്‍ സംഗീതസഭ ഏര്‍പ്പെടുത്തിയ പരവൂര്‍ ജി ദേവരാജന്‍ മാസ്റ്റര്‍ പുരസ്‌കാരം നേടിയത് ആരാണ്?
സുജാത, ഗായിക
- സമഗ്ര സംഭാവനയ്ക്കുള്ള പുരസ്‌കരാം: ശ്രീകുമാരന്‍ തമ്പി, കവി
2. കൊട്ടാരക്കര ഭരത് മുരളി കള്‍ച്ചറല്‍ സെന്ററിന്റെ ചലച്ചിത്ര പുരസ്‌കാരം നേടിയത് ആരാണ്?
അടൂര്‍ ഗോപാലകൃഷ്ണന്‍
3. പൂര്‍വാപര്‍ ഭാഷാ സേതുപുരസ്‌കാരം നേടിയ മലയാളി ആരാണ്?
ഡോ ആര്‍സു
- ഉത്തര്‍പ്രദേശിലെ ഗോണ്ടയില്‍നിന്ന് പ്രസിദ്ധീകരിക്കുന്ന മാസികയാണ് പൂര്‍വാപര്‍.
- ഭാഷകള്‍ തമ്മിലുള്ള സാഹോദര്യത്തിനും വിവര്‍ത്തനത്തിലൂടെ സാംസ്‌കാരിക വിനിമയത്തിനും നല്‍കിയ സംഭാവനകള്‍ പരിഗണിച്ചാണ് ഡോ ആര്‍സുവിന് പൂര്‍വാപര്‍ ഭാഷ സേതുപുരസ്‌കാരം ലഭിച്ചത്.
4. ചിന്ത രവീന്ദ്രന്‍ പുരസ്‌കാരം നേടിയത് ആരാണ്?
ഭാവന
5. 29-ാമത് ദേശീയ ഇ-ഗവേണന്‍സ് സമ്മേളനത്തില്‍ സുവര്‍ണ പുരസ്‌കാരം നേടിയ ഹൈക്കോടതി ഏത്?
കേരള ഹൈക്കോടതി
6. കേരള ബാലസാഹിത്യ അക്കാദമി പുരസ്‌കാരങ്ങള്‍ നേടിയവര്‍ ആരെല്ലാം?
- പിഐ ശങ്കരനാരായണന്‍ പുരസ്‌കാരം: കെ സച്ചിദാനന്ദന്‍
- ഉല്ലല ബാബു പുരസ്‌കാരം: സന്തോഷ് ഏച്ചിക്കാനം
- കെ വി രാമനാഥന്‍ പുരസ്‌കാരം: ശ്രീജിത് പെരുന്തച്ചന്‍
- പുനരാഖ്യാനം: എം ആര് പ്രദീപ്
- ബാലനോവല്‍: പി കെ റാണി
- ബാലകഥ: കണ്ണനുണ്ണി, ടി വി ഹരികുമാര്‍
- ബാലകവിത: മിഥുന സജിന്‍, എന്‍ എന്‍ സുരേന്ദ്രന്‍
- ബാലനാടകം: ജയശ്രീ പള്ളിക്കല്‍
- ബാലപ്രതിഭാ പുരസ്‌കാരം: ആര് പി വരദ
7. സംവിധായകന്‍ ഭരതന്റെ സ്മരണാര്‍ഥം ഭരതന്‍ സ്മൃതിവേദി ഏര്‍പ്പെടുത്തിയ ഭരതന്‍ പുരസ്‌കാരം ലഭിച്ചത് ആര്‍ക്കാണ്?
സംവിധായകന്‍ ചിദംബരം
8. പ്രൊഫ എം കെ സാനു സാംസ്‌കാരിക കേന്ദ്രത്തിന്റെ പ്രഥമ സാനു സമ്മാനം ലഭിച്ചത് ആര്‍ക്കാണ്?
- സമഗ്ര സംഭാവന പുരസ്‌കാരം: ഡോ എം ലീലാവതി, ഒരു ലക്ഷം രൂപ
- യുവപ്രതിഭ: ഡോ വിനില്‍ പോള്‍, 25,000 രൂപ
9. 2026-ലെ അബുദാബി ശക്തി തിയറ്റേഴ്‌സിന്റെ ടി കെ രാമകൃഷ്ണന്‍ പുരസ്‌കാരം ലഭിച്ചത് ആര്‍ക്കാണ്?
നിലമ്പൂര്‍ ആയിഷ
10. സതീഷ് ബാബു പയ്യന്നൂര്‍ ഫൗണ്ടേഷന്‍ പുരസ്‌കാരം നേടിയത് ആരാണ്?
സി വി ബാലകൃഷ്ണന്‍
11. ദേശീയ കടുവ സംരക്ഷണ അതോറിറ്റിയുടെ (എന്‍ടിസിഎ) എക്‌സലന്‍സ് ആന്‍ഡ് പെര്‍ഫോര്‍മന്‍സ് അവാര്‍ഡ് നേടിയത് ആരാണ്?
എന്‍ മുരുകേശന്‍
ആഗസ്റ്റ് 2026
1. ഐഎസ്ആര്‍ഒയും കമ്മിറ്റി ഓണ്‍ സ്‌പേസ് റിസര്‍ച്ചും (കോസ്പാര്‍) ചേര്‍ന്ന് നല്‍കുന്ന വിക്രംസാരാഭായ് പുരസ്‌കാരം ലഭിച്ചത് ആര്‍ക്കാണ്?
അന്നപൂര്‍ണി സുബ്രഹ്മണ്യം
- നക്ഷത്ര സമൂഹങ്ങള്‍, ബ്ലൂ സ്ട്രാഗ്ലര്‍ നക്ഷത്രങ്ങള്‍, ആസ്‌ട്രോസാറ്റ്, ഫ്യൂച്ചര്‍ ടെലിസ്‌കോപ്പുകള്‍ തുടങ്ങി വികസ്വര രാജ്യങ്ങളിലെ ബഹിരാകാശ ഗവേഷണവുമായി ബന്ധപ്പെട്ട് നല്‍കിയ സംഭാവന പരിഗണിച്ചാണ് പാലക്കാട് സ്വദേശിനിയ അന്നപൂര്‍ണി സുബ്രഹ്മണ്യത്തിന് പുരസ്‌കാരം ലഭിച്ചത്.
2. ലോകാരോഗ്യ സംഘടനയുടെ (ഡബ്ല്യുഎച്ച്ഒ) ദക്ഷിണേഷ്യന്‍ മേഖലയിലെ പബ്ലിക് ഹെല്‍ത്ത് ചാമ്പ്യന്‍ പുരസ്‌കാരം നേടിയ മലയാളി ആരാണ്?
ഡോ സുരേഷ് കുമാര്‍
3. കോവളം കവികള്‍ സ്മാരക സമിതിയുടെ കോവളം കവികള്‍ പുരസ്‌കാരം ലഭിച്ചത് ആര്‍ക്കാണ്?
ഡോ വി എസ് ശര്‍മ
4. ജമ്‌നാലാല്‍ ബജാജ് പുരസ്‌കാരം നേടിയ മലയാളി ആരാണ്?
ഡോ ജേക്കബ് പുളിക്കന്‍
5. 2026-ലെ കണ്ണശ്ശ പുരസ്‌കാരം നേടിയത് ആരാണ്?
എന്‍ എസ് സുമേഷ് കൃഷ്ണന്‍
6. 2025-ലെ ദ്രോണാചാര്യ പുരസ്‌കാരം നേടിയവര്‍ ആരെല്ലാം?
- റഗുലര്‍ വിഭാഗം: പര്‍വീര്‍ സിങ് (അത്‌ലറ്റിക്‌സ്), ഛോട്ടാ ലാല്‍ യാദവ് (ബോക്‌സിങ്), നേഹ നന്ദകുമാര്‍ ചവാന്‍ (ഷൂട്ടിങ്)
- ലൈഫ് ടൈം വിഭാഗം: ധര്‍മേന്ദ്ര സിങ് യാദവ് (ബോക്‌സിങ്), വീരേന്ദര്‍ കുമാര്‍ (ഗുസ്തി)
7. 2025-ലെ അര്‍ജുന അവാര്‍ഡ് ലഭിച്ച മലയാളികള്‍ ആരെല്ലാം?
വി മുഹമ്മദ് അജ്മല്‍ (അത്‌ലറ്റിക്‌സ്), ട്രീസ ജോളി (ബാഡ്മിന്റണ്‍)
- കായിക രംഗത്തെ മികച്ച പ്രകടനങ്ങള്‍ക്ക് നല്‍കുന്ന അവാര്‍ഡാണ് അര്‍ജുന
- മെഡല്‍, പ്രശസ്തിപത്രം, 15 ലക്ഷം രൂപ എന്നിവ അടങ്ങുന്നതാണ് അര്‍ജുന അവാര്‍ഡ്.
- ആകെ 17 പേര്‍ക്ക് അര്‍ജുന ലഭിച്ചു
- അത്‌ലറ്റിക്‌സ്: തേജസ്വിന്‍ ശങ്കര്‍, മുഹമ്മദ് അജ്മല്‍, പ്രിയങ്ക ഗോസ്വാമി
- ബാഡ്മിന്റണ്‍: ട്രീസ ജോളി, ഗായത്രി ഗോപിചന്ദ്
- ചെസ്: വിദിത് ഗുജറാത്തി, ദിവ്യ ദേശ്മുഖ്
- ഹോക്കി: ലാല്‍റെംസിയാമി, രാജ്കുമാര്‍പാല്‍
- കബഡി: സുര്‍ജീത്, പൂജ
- ഷൂട്ടിങ്: അഖില്‍ ഷിയോറന്‍, ധനുഷ് ശ്രീകാന്ത് (ഡെഫ് ഷൂട്ടിങ്), രുദ്രാന്‍ഷ് ഖണ്ഡേല്‍വാള്‍ (പാരാ ഷൂട്ടിങ്)
- ബോക്‌സിങ്: നരേന്ദര്‍
- പാരാ അത്‌ലറ്റിക്‌സ്: ഏക്ത ഭയാന്‍
- റോവിങ്: അരവിന്ദ് സിങ്
- അര്‍ജുന അവാര്‍ഡ് (ലൈഫ് ടൈം): ഐ അരുമൈനായകം, ഫുട്‌ബോള്‍
8. കാവാലം നാരായണപ്പണിക്കരുടെ സ്മരണയ്ക്കായി കാവാലം സംസ്‌കൃതി ഏര്‍പ്പെടുത്തിയ അവനവന്‍കടമ്പ പുരസ്‌കാരം 2026 ലഭിച്ചത് ആര്‍ക്കാണ്?
പ്രമോദ് വെളിയനാട്‌
സെപ്റ്റംബര്‍ 2026
1. പുന്നയൂര്‍ക്കുളം സാഹിത്യസമിതിയുടെ മൂന്നാമത് മാധവിക്കുട്ടി പുരസ്‌കാരം ലഭിച്ചത് ആര്‍ക്കാണ്?
പെരുമാള്‍ മുരുകന്‍, തമിഴ് സാഹിത്യകാരന്‍
2. വയലാ വാസുദേവന്‍ പിള്ള സ്മാരക പുരസ്‌കാരം നേടിയത് ആരാണ്?
എം തങ്കമണി, ഡബ്ബിഹ് ആര്‍ട്ടിസ്റ്റ്‌
3. 2026-ലെ രവീന്ദ്ര പുരസ്‌കാരം ലഭിച്ചത് ആര്‍ക്കാണ്?
സുജാത
4. നഴ്‌സിങ് മേഖലയിലെ ആഗോള പുരസ്‌കാരമായ ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ് പുരസ്‌കാരം നേടിയ മലയാളി ആരാണ്?
ഡോ അജിമോള്‍ പ്രദീപ്
- സമ്മാനത്തുക: 2.4 കോടി രൂപ
ഒക്ടോബര്‍ 2026
1. വയലാര്‍ രാമവര്‍മ മെമ്മോറിയല്‍ ട്രസ്റ്റിന്റെ 2026-ലെ വയലാര്‍ പുരസ്‌കാരം ലഭിച്ച നോവല്‍ ഏത്?
ആത്രേയകം
- ആത്രേയകം എന്ന നോവലിന്റെ എഴുത്തുകാരി: ആര് രാജശ്രീ
- ഒരു ലക്ഷം രൂപയും കാനായി കുഞ്ഞിരാമന്‍ വെങ്കലത്തില്‍ നിര്‍മ്മിച്ച ശില്‍പ്പവും പ്രശസ്തിപത്രവുമാണ് പുരസ്‌കാരം.
- 50-ാമത് വയലാര്‍ പുരസ്‌കാരം ആണ് 2026-ല്‍ പ്രഖ്യാപിച്ചത്.
- നോവലിന്റെ പശ്ചാത്തലം ആത്രേയകം എന്ന സാങ്കല്‍പ്പിക ഗ്രാമമാണ്.
- കഥാപാത്രം: നിരമിത്രന്‍
- മഹാഭാരതത്തിലെ ശിഖണ്ഡിയെ ഓര്‍മ്മിപ്പിക്കുന്ന കഥാപാത്രമാണ് നിരമിത്രന്‍
- കഴിഞ്ഞ അഞ്ച് വര്‍ഷങ്ങള്‍ക്കുള്ളില്‍ ആദ്യമായി പ്രസിദ്ധീകരിച്ച മലയാളത്തിലെ മൗലിക കൃതികളെയാണ് വയലാര്‍ പുരസ്‌കാരത്തിന് പരിഗണിക്കുന്നത്.
ഓസ്‌കര്‍ പുരസ്‌കാരം 2026 കേരള പി എസ് സി ചോദ്യങ്ങള്‍ പഠിക്കാന്‍ ഇവിടെ ക്ലിക്ക് ചെയ്യുക
2026-ലെ കേരള പി എസ് സി പരീക്ഷയ്ക്ക് പഠിക്കേണ്ട അവാര്‍ഡുകള്‍
About the Author
1 thought on “2026-ലെ കേരള പി എസ് സി പരീക്ഷയ്ക്ക് പഠിക്കേണ്ട അവാര്‍ഡുകള്‍”