Current Affairs Malayalam 2026 October 26

1,718 പേര്‍ പഠിച്ചു

Useful for Kerala PSC, SSC, RRB, and UPSC current affairs preparation

1. പിഎച്ച്ഡി നേടിയ ആദ്യത്തെ ഇന്ത്യന്‍ ഷെഫ് 2026 ഒക്ടാബര്‍ 26-ന് അന്തരിച്ചു. പേരെന്ത്?

ഷെഫ് ദാമു (ദാമോദരന്‍ കൊതണ്ടരാമന്‍-72)

മദ്രാസ് സര്‍വകലാശാലയില്‍നിന്ന് ഹോട്ടല്‍ മാനേജ്‌മെന്റ് ആന്‍ഡ് കേറ്ററിങ് ടെക്‌നോളജിയിലാണ് പിഎച്ച്ഡി നേടിയത്.
2025-ല്‍ പത്മശ്രീ ലഭിച്ചു.
ഇരുപത്തിനാലര മണിക്കൂര്‍ 617 വിഭവങ്ങള്‍ തയ്യാറാക്കി ലോകറെക്കോര്‍ഡ് കുറിച്ചിട്ടുണ്ട്‌

2. മിരിസ്റ്റിക്ക ചതുപ്പുകള്‍ ആദ്യമായി തെക്കന്‍ കേരളത്തില്‍ കണ്ടെത്തിയത് എവിടെയെല്ലാം?

പെരുകുളം മാവേലിക്കാവ് (കൊല്ലം), നൂറനാട് പുന്നയ്ക്കാക്കാവ് (ആലപ്പുഴ)

പശ്ചിമഘട്ടത്തിന്റെ മാത്രം പ്രത്യേകതയാണ് മിരിസ്റ്റിക്ക ചതുപ്പുകള്‍
കോഴിക്കോട് ജില്ലയ്ക്ക് തെക്കുഭാഗത്ത് ആദ്യമായിട്ടാണ് ഈ ചതുപ്പുകള്‍ കണ്ടെത്തിയത്.
ശുദ്ധജലചതുപ്പുകളില്‍ കാണപ്പെടുന്ന ജാതിമരത്തിന്റെ കുടുംബത്തില്‍പ്പെട്ട മിരിസ്റ്റിക്കേസിയേ മരങ്ങളാണ് ഇവ.
ഡോ ടി ആര്‍ ജയകുമാരി, ആര്‍ വിനോദ് കുമാര്‍ എന്നീ ഗവേഷകരാണ് ഈ കണ്ടെത്തല്‍ നടത്തിയത്.

3. സംസ്ഥാന പബ്ലിക് സര്‍വീസ് കമ്മീഷന്റെ അധ്യക്ഷ/ അധ്യക്ഷന്‍, അംഗങ്ങള്‍ എന്നിവരെ നിയമിക്കാനുള്ള അധികാരം ഗവര്‍ണര്‍ക്ക് നല്‍കുന്ന ഭരണഘടനാ അനുച്ഛേദം ഏത്?

അനുച്ഛേദം 316

പി എസ് സി അംഗങ്ങളെ നീക്കം ചെയ്യാനുള്ള അധികാരം രാഷ്ട്രപതിക്കാണ്.
ഭരണഘടനയുടെ 317-ാം അനുച്ഛേദം അനുസരിച്ച് പി എസ് സി ചെയര്‍മാനേയും അംഗങ്ങളേയും കാലാവധിക്ക് മുമ്പ് പുറത്താക്കാന്‍ രാഷ്ട്രപതിക്ക് മാത്രമാണ് അധികാരം.
പി എസ് സി അംഗങ്ങള്‍ക്ക് തെറ്റുകുറ്റങ്ങളോ സ്വഭാവദൂഷ്യമോ ഉണ്ടോയെന്ന് പരിശോധിക്കാനുള്ള അധികാരം സുപ്രീംകോടതിക്കാണുള്ളത്.
നീക്കം ചെയ്യാനുള്ള നടപടിക്രമം: അനുച്ഛേദം 317 (1) പ്രകാരം രാഷ്ട്രപതി പി എസ് സി അംഗങ്ങളെ നീക്കം ചെയ്യാനുള്ള വിഷയം സുപ്രീംകോടതിയുടെ പരിഗണനയ്ക്ക് അയക്കണം. സുപ്രീംകോടതി അന്വേഷണം നടത്തും. ഈ അന്വേഷണത്തില്‍ ആരോപണങ്ങള്‍ തെളിയിക്കപ്പെട്ടാല്‍ പുറത്താക്കും.
പി എസ് സി അംഗങ്ങള്‍ക്ക് ആറ് വര്‍ഷത്തെ കാലാവധി ഉണ്ടെന്ന് പ്രതിപാദിക്കുന്ന അനുച്ഛേദം: 316 (2)

4. ബാഡ്മിന്റണ്‍ ഫ്രഞ്ച് ഓപ്പണ്‍ 2026 ഫൈനലില്‍ പി വി സിന്ധുവിനെ പരാജയപ്പെടുത്തിയ താരം ആരാണ്?

ആന്‍ സെ യങ്

സ്‌കോര്‍: 16-21, 21-11, 21-15
ദക്ഷിണ കൊറിയന്‍ താരമായ ആന്‍ സെ യങ് തുടര്‍ച്ചയായി മൂന്നാം തവണയാണ് കിരീടം നേടുന്നത്.

5. 12-ാമത് ബ്രിക്‌സ് പാര്‍ലമെന്ററി ഫോറം വേദി എവിടെ?

ന്യൂഡല്‍ഹി

6. ന്യൂമോണിയക്ക് കാരണമാകുന്ന സ്‌ട്രെപ്‌റ്റോകോക്കസ് ന്യൂമോണിയ എന്ന ബാക്ടീരിയ ഉല്‍പാദിപ്പിക്കുന്ന വിഷവസ്തു ഏത്?

ന്യൂമോലൈസീന്‍

7. ഇന്ത്യയുടെ നാവിക് ശൃംഖലയിലേക്ക് ഉള്‍പ്പെടുത്തുന്നതിനായി 2026 ഒക്ടോബര്‍ 30-ന് വിക്ഷേപിക്കുന്ന ഉപഗ്രഹം ഏത്?

എന്‍വിഎസ് 03

ജിപിഎസിന് പകരമുള്ള ഇന്ത്യയുടെ ഗതിനിര്‍ണയ സംവിധാനം ആണ് നാവിക്.
എന്‍വിഎസ് 03-യുടെ വിക്ഷേപണ വാഹനം: ജിഎസ്എല്‍വി- എഫ് 18
ഭാരം: 2232 കിലോഗ്രാം
പ്രവര്‍ത്തന കാലാവധി: 12 വര്‍ഷം
കൃത്യമായ ഗതിനിര്‍ണയം നടത്തുന്നതിന് മിനിമം വേണ്ട ഉപഗ്രഹങ്ങളുടെ എണ്ണം: നാല്
സമയനിര്‍ണയത്തിന് തദ്ദേശീയമായി വികസിപ്പിച്ച റൂബിഡിയം അറ്റോമിക് ക്ലോക്ക് എന്‍വിഎസ് 03-യില്‍ ഉപയോഗിക്കുന്നു
മൊബൈല്‍ ഫോണുകളിലെ ജിപിഎസ് പ്രവര്‍ത്തിക്കുന്ന തരംഗ ഫ്രീക്വന്‍സി ബാന്‍ഡ്: എല്‍1